Mikilvægar upplýsingar
Kostnaður sem þú þarft að standa straum af á meðan þú stundar nám í NGK tengist ferðum, húsnæði og framfærslu.
Þú verður í fjórum menntaskólum á þremur skólaárum.
Ferðir á milli Danmerkur, Færeyja og Íslands kosta á bilinu 1500 – 2000 dkr. Ferðir frá Íslandi eða Danmörku til Grænlands eru þó dýrari og kostar ferðin á bilinu 6000 – 7000 dkr.
Útgjöld varðandi húsnæði eru einnig mismunandi í löndunum fjórum.
Húsnæðiskostnaður í Danmörku er 4200 dkr. og við hann bætist síðan fæðiskostnaður og önnur neysla. Þú þarft að greiða fyrirframhúsaleigu og tryggingu.
Dvöl á heimili á Íslandi kostar um 3400 dkr.
Dvöl á heimili í Færeyjum kostar um 3500 dkr.
Herbergi á stúdentagarði á Grænlandi kostar um 3000 dkr.
Framfærslukostnaður í löndunum fjórum er mismunandi. Það mun að öllum líkindum verða ódýrast að vera í Danmörku og á Íslandi. Dönsku íbúðirnar eru með eldhúsi, svo nemendur geta sjálfir verslað í matinn og eldað. Verð í dönskum matvöruverslunum eru yfirleitt hagstæð.
Allir skólar eru með mötuneyti og þar geta nemendur t.d. keypt morgunmat fyrir 25-30 dkr. Sumir skólanna eru með einfaldan ókeypis morgunmat, t.d. hafragraut.
Í Danmörku er hægt að þvo þvott í almenningsþvottahúsi í bænum.
Engin útgjöld eru varðandi skólagönguna í neinum hinna fjögurra skóla. Nemendur greiða smáupphæð fyrir ljósritun osfrv. Engin útgjöld vegna námsgagna verða í neinum skólanna á þeim þremur árum sem námið stendur yfir.
Engin útgjöld verða vegna námsferða.
Ef þú hefur spurningar varðandi útgjöld, hafðu þá samband við post@gribskovgymnasium.dk.
Með góðri kveðju,
Lotte Mundus
verkefnisstjóri